Ikastaroaren amaierara iritsita, hainbat tresnarekin saltseatzen ibili ondoren, hona nire gaur egungo PLEa adierazten duen BURU MAPA, ziur zerbait ahaztu zaidala eta hemendik aurrera ere osatzen joango dela :)
Mapan ikastaroan zehar ikusi ditugun hainbat tresna txertatu ditut (aurrez ezagutu ez arren, hasiera batean interesgarri iruditzen zaizkidanak eta gerora erabiliko ditudala uste dudanak), beste tresna batzuk lehenago ezagutu eta erabili ohi ditudanak dira eta azkenik, jarraitu ohi dudan blog batean "Justifica tu respuesta"-n gomendatu zuten tresna bat ere gehitu dut (Genial.ly). Izan ere, aplikazio honekin aurkezpen, denbora lerro, poster... desberdin ugari osa daitezkeela ikusi dut eta azken egunetan pixka bat probatzen hasia naiz. Oso tresna erakargarria iruditu zait eta erabiltzeko erraza, beraz dezentetan erabiliko dudala uste dut.
Orain dela urte dezente, WebQuest-a zer zen inoiz entzun gabe nengoela, antzeko antolaketa batekin lanen bat edo beste burutu nuen ikasleekin. Izan ere, gai baten lanketan sakontzeko informatika saioak aprobetxatu genituen eta horretarako word orri batean jarraitu beharreko pausoak ematen genizkien. Pauso hauek jarraituz (orrian bertan link desberdinak jartzen genizkien interneta jotzeko eta gal ez zitezen) azken ondorio edo lanen bat osatzera iristen ziren.
Beraz, WebQuest erabiliz modu polita izan daiteke antzeko lanak egiteko.
Niretzat berriz, Generator 1,2,3 Tu WebQuest aplikazioa erabiltzea ez da oso konplexua izan, hori bai, hainbat puntu lantzen jarraitu beharko nuke, ez baitut lortu nahi nuen itxura ematerik (irudiak txertatu ditudala suposatzen da, baina ez dira azaltzen) eta gainera nonbaiten gorde eta aldaketak egiten beste momentu batean jarraitzeko aukerarik ez dut ikusten (honek noski zailtasunak dakartza, dena jarraian egin beharra izan baitut).
Ondorengo loturan, nire lehen WebQuest-a gorde dut, esan bezala, hobetzeko asko izan dezakeena, baina...
C:\Users\Aitziber Ubegun\Desktop\GZ-IKT-en erabilera ikastaroa\GURE HIRIA EZAGUTUZ_php.htm
WebQuest-ekin saltzeatuz, http://webquest.carm.es/ ere erabili dut aurrekoaren kopiatxo bat burutzeko. Egia esan politagoa iruditu zait aplikazio hau, baina pena da izenburuak, titulo, proceso, conclusion... gazteleraz azaltzen direla eta ezin direla aldatu (hori uste dut behintzat). Bestela berriz itsura polita lortzen du eta azkar egiten da. Hori bai, deskargatu ahal izan dut eta suposatzen da publikaturik dagoela, baina WebQuest pestainatxoa klikatuz gero ez da sartzen, beraz ezin da sorturikoa ikusi.
Zenbat buruhauste!
Hasierako orrian ikus daiteke sortu dudala WebQuest-a eta publikatzeko esan diodala!
Nire "Gure hiria ezagutuz" izeneko WebQuest-aren pare bat orri (guztiak gehitzea beharrezko ez dela pentsatu dut eta):
Dena den, lehen hezkuntzako lehen zikloan, irakurketa-idazketa prozesu bete-betean eta ordenagailuarekin oso trebeak izan gabe, WebQuest bat jarraitzeko irakaslearen gidaritza beharrezko izango dutela iruditzen zait eta zer esanik ez bukaeran sortu beharreko lana (nire kasuan GoogleMaps erabiliz) nahiko sinplea izan beharko da. Baina beti ere aberasgarria izan daiteke.
Lehen Gizakien gaiarekin jarraituz, historiaurrean emandako hainbat gertaera esanguratsu kontuan izanik denbora lerro bat osatu dut. Honetarako line.do aplikazioa erabili dut eta egia esan hasieran uste baino errazagoa egin zait. Erabilera nahiko intutitiboa da eta itsura benetan polita dauka. Hori bai, behin momentuak sortu ondoren aldaketak egin eta gordetzerakoan arazo handiak eman dizkit (aktualizatzeko eta gordetzeko esan eta ez zuen egiten, behin eta berriz egin behar izan dut). Honetaz gain, denbora lerroa bukatutakoan publikatzea ere ez dut lortu (helbidea behean ikus daiteke, baina borradore moduan dago).
Beraz, hainbat gai denboran kokatzeko eta modu argi batean ikusi ahal izateko baliagarria dela deritzot, baina sortarazten diren zailtasunek eta beharrezko den denborak desanimatu egiten dute. Gainera zailtasun handiena beharrezko irudi eta artxiboak erantsi ahal izateko hauek bilatzean datza eta bilatu ondoren noski aukeraketa egokia egitean. Hainbeste dago Interneten, pixkanaka begiratu eta interesgarria dena bereizten jakitea nahiko lan badela!!!
https://line.do/ww/lehen-gizakia/1j5n/vertical
Lehen Hezkuntzako 2.mailan landu ohi dugun gizarte zientzietako gai bat harturik, mapa mental bat osatu dut oraingoan.
"Lehen Gizakiak" gaia aurkezteko zein bukaerako laburpen gisa, oso erabilgarria izan daiteke mapa mentala.
Nire lehenengo mapa mentala FreeMind-en bidez egin dut, eta egia esan dezente kosta zait osatutzat ematea. Irudiekin zailtasunak izan ditut, izan ere, aurrez tamaina egokia eman behar zaie bertan txertatzeko, bestela gerora ez baitu uzten aldaketarik egiten. Honetaz gain, formatu aldaketak egiterakoan, nodo berriak nik nahi ditudan lekuan eta moduan txertatzerakoan... ere zailtasunak izan ditut. Badakit erabiliaz gero eta erraztasun handiagoa izango dudala, baina hainbeste denbora mapa bakar bat osatzeko behar izanak ez nau asko animatzen.
Beno, emaitza behintzat erakargarria eta erabilgarria izan daitekeela pentsatzen dudanez, ez dut mapa bakarrarekin amore emango, ezta?
Aspaldiko partez hemen naiz berriro ere!
Aurreko ikasturtea eta hau bera oso-oso bereziak izango direla jakinik, 2017an lanera itzultzen naizenerako formatzen, ikasten eta materiala sortzen jarraitzeko asmo sendoa dudanez, zer hoberik ikastaroei buru-belarri ekitea baino!
Oraingoan "Gizarte zientziak: IKTko tresna eta baliabide digitalak" izeneko ikastaroa burutzen ari naiz, beraz hona hemen;
Interneten informazioa eta askotan zehatzago, baliabideak, bilatzen hasten naizenean denbora konturatu gabe igarotzen zait.
Urtetan zehar gustokoetan orrialde piloa gorde izan ditut, baina feedlyrekin orrialde hauek antolatzen hasi naiz eta egia esan gutxienez denak batera ikusi ahal izateak laguntzen dit.
Hala ere, beste edozein aplikazio bezala, oraindik denbora beharko dut hobeto erabiltzen ikasteko eta niretzat benetan praktikoa den ikusi ahal izateko.
